ஒரு தந்தையின் கடிதம்

ஒரு தந்தை தன் மகனைத் துவக்கப் பள்ளியில் சேர்த்தார். அவர் தன் மகனுக்கு அறிவுரை சொல்லவில்லை. பள்ளி ஆசிரியருக்கு அவர் எழுதிய கடிதங்களின் சில பகுதிகள்!
தோல்வியை ஏற்றுக்கொள்ளவும், வெற்றியைக் கொண்டாடவும் என் மகனுக்குக் கற்றுக் கொடுங்கள்.
பொறாமையிலிருந்து அவன் விலகியே இருக்கட்டும்.வானப்பறவைகள், தேனீக்கள், சூரியன், பசுமையான செடிகள், மலர்கள் இவற்றை ரசிக்க அவனுக்குக் கற்றுக் கொடுங்கள்.
பிறரை ஏமாற்றுவதை விட, தோற்பது கண்ணியம் என்று அவனுக்குக் கற்றுக் கொடுங்கள்.
சுய சிந்தனையில் நம்பிக்கை கொள்ளச் சொல்லுங்கள்.
மென்மையானவர்களிடம் மென்மையாகவும், உறுதியானவர்களிடம் உறுதியாகவும் நடந்து கொள்ளக் கற்றுக் கொடுங்கள்.
குற்றம் குறை கூறுபவர்களை அவன் அலட்சியப்படுத்தட்டும்.அளவுக்கு அதிகமாய் இனிமையாகப் பேசுபவர்களிடம் அவன் எச்சரிக்கையாக இருக்க வேண்டும்.
தன் மனதுக்கு சரி என்று தோன்றுவதை அவன் துணிந்து நின்று போராடி நிறைவேற்ற அவனைப் பழக்குங்கள்.

Mannikkavasagar's Thiruvasagam - Part A

1. சிவபுராணம்

(திருப்பெருந்துறையில் அருளியது தற்சிறப்புப் பாயிரம்)

நமச்சிவாய வாஅழ்க நாதன் தாள் வாழ்க
இமைப்பொழுதும் என் நெஞ்சில் நீங்காதான் தாள் வாழ்க கோகழி ஆண்ட குருமணிதன் தாள் வாழ்க
ஆகமம் ஆகிநின்று அண்ணிப்பான் தாள் வாழ்க
ஏகன் அநேகன் இறைவன் அடிவாழ்க 5


வேகம் கெடுத்தாண்ட வேந்தன் அடிவெல்க
பிறப்பறுக்கும் பிஞ்ஞகன்தன் பெய்கழல்கள் வெல்க
புறந்தார்க்குச் சேயோன் தன் பூங்கழல்கள் வெல்க
கரங்குவிவார் உள்மகிழும் கோன்கழல்கள் வெல்க
சிரம்குவிவார் ஓங்குவிக்கும் சீரோன் கழல் வெல்க 10


ஈசன் அடிபோற்றி எந்தை அடிபோற்றி
தேசன் அடிபோற்றி சிவன் சேவடி போற்றி
நேயத்தே நின்ற நிமலன் அடி போற்றி
மாயப் பிறப்பு அறுக்கும் மன்னன் அடி போற்றி
சீரார் பெருந்துறை நம் தேவன் அடி போற்றி 15
ஆராத இன்பம் அருளும் மலை போற்றி


சிவன் அவன் என்சிந்தையுள் நின்ற அதனால்
அவன் அருளாலே அவன் தாள் வணங்கிச்
சிந்தை மகிழச் சிவ புராணம் தன்னை
முந்தை வினைமுழுதும் ஓய உரைப்பன் யான். 20


கண் நுதலான் தன்கருணைக் கண்காட்ட வந்து எய்தி
எண்ணுதற்கு எட்டா எழில் ஆர்கழல் இறைஞ்சி
விண் நிறைந்தும் மண் நிறைந்தும் மிக்காய், விளங்கு ஒளியாய்,
எண் இறந்த எல்லை இலாதானே நின் பெரும்சீர்
பொல்லா வினையேன் புகழுமாறு ஒன்று அறியேன்

Thought for today

உலகத்தோடு ஒட்டவொழுகல்பல கற்றும் கல்லார் அறிவிலாதார்.

Who know not with the world in harmony to dwell May many things have learned, but nothing well (No. 140)

Kavi Perarasu Vairamuthu

கவிப்பேரரசு வைரமுத்து in the Ananda Vikatan, 8 September 2002

''ஐயாயிரத்தைந்நூறு பாடல்களைத் தாண்டியும் இன்னும் கவிதைத் தமிழும் கற்பனைச் சிறகும் இளமைத் துள்ளலுடன் இருக்கிற சாதனைக்குக் காரணம் என்ன?'' '' 'ஆயிரம் பல்லவிகள்' என்று நானாகவே ஒரு திட்டம் வகுத்துக்கொண்டு, இரவுபகலாகப் பல்லவிகள் எழுதி வருகிறேன். இன்னும் பத்தாண்டுகளுக்குப் பிறகான பசிக்கும் இப்போதே என்னால் பந்தி வைக்க முடியும். ஆனால், வாங்கிக்கொள்ளத் தான் வயிறுகள் இல்லை. இப்போதெல்லாம் நான் ஒரு பல்லவி, இரண்டு சரணம் என்றுதான் கொடுக்கிறேன். நான்கைந்து பல்லவிகள் கொடுத்தால், அதில் சுமாரான ஒன்று தேர்வாகிவிடக்கூடிய அபாயம் இருக்கிறது. அதற்காக நான் குறைவான வரிகளே எழுதுகிறேன் என்று பொருள் இல்லை. நான் கொடுப்பதே பதினொன்றாவது பல்லவிதான். முதல் பத்து, எனக்குள்ளே இருக்கும் குப்பைக் கூடைக்குத்தான். 'தங்கத்தில் ஒட்டியிருக்கும் மாசு, தூசு எல்லாவற்றையும் துடைத்துவிட்டுச் சுத்தமாக உங்களிடம் தருகிறேன்' என்று இயக்குநர்களிடம் சொல்லி விடுவது வழக்கம்... கிராம வாழ்க்கையும் நாட்டுப் பாட்டு நாட்டமும்,

'காதுல நரைச்ச முடி

கன்னத்துல குத்துது குத்துது

சுழியில படகுபோல

எம்மனசு சுத்துது சுத்துது'

என்று எழுதவைத்தது. உலகம் சுற்றிய அனுபவம்,

'கடல் மேல் சிவப்புக் கம்பளம் விரித்து ஐரோப்பாவில் குடிபுகுவோம்'

என்று பூகோளம் பேசியது.

இளைஞர்களோடிருக்கும் இடைவெளி இல்லாத தொடர்பு

- 'மெல்லினமே மெல்லினமே

- நெஞ்சில் மெல்லிய காதல் பூக்கும் என் காதல் ஒன்றே மிக உயர்ந்ததடி

- அதை வானம் அண்ணாந்து பார்க்கும் நான் தூரத் தெரியும் வானம்

- நீ துப்பட்டாவில் இழுத்தாய் என் இருபத்தைந்து வயதை ஒரு நொடிக்குள் எப்படி அடைத்தாய்'

என்று உல்லாசப்படுத்தியது. ஆழ்ந்த இலக்கியப் பயிற்சிதான், 'முகிலினங்கள் அலைகிறதே முகவரிகள் தொலைந்தனவோ முகவரிகள் தவறியதால் அழுதிடுமோ அது மழையோ'

என்று சொற்சித்திரம் வரைந்தது.

சங்க இலக்கிய ஆளுமைதான்,

'நறுமுகையே நறுமுகையே நீயரு நாழிகை நில்லாய் அற்றைத் திங்கள் அந்நிலவில் நெற்றித் தரள நீர்வடியக் கொற்றப் பொய்கை ஆடியவள் நீயா?'

என்று பனையோலை யில் இருந்த பழந்தமிழை கம்ப்யூட்டர் மெட்டுக்குள் சிக்கென்று உட்கார வைத்தது. ''பாபாவில் உங்களுக்குப் பிடித்த பாட்டு?'' ''எல்லாப் பாட்டும் பிடிக்கும். அதில் இடம்பெறாத பாடல்களில் ஒன்று ரொம்பப் பிடிக்கும். பாபா மூட்டை சுமக்கும்போது தாய் சுஜாதாவின் கண்ணில் கண்ணீர் வழியச் செய்யும் பாட்டு -

'கண்ணுக்கினிய மகனே!

- உன்னை

கருவில் சுமந்தேன் மகனே

கருவறை கழிந்து விழுந்த பின்னே

கையில் சுமந்தேன் மகனே!

மார்பில் தாய்ப்பால் பருகும்போது

மடியில் சுமந்தேன் மகனே

தூங்கும்போதும் ஏங்கும்போதும்

தோளில் சுமந்தேன் மகனே!

கையை மீறி வளர்ந்தபோது

கண்ணில் சுமந்தேன் மகனே!

நெஞ்சு தானாய் நிற்கும் வரைக்கும்

நெஞ்சில் சுமப்பேன் மகனே!

சுமக்கப் பிறந்தவள் நான் தானே

- நீ சுமந்து அலைவது ஏன் மகனே!

மூட்டை சுமக்கும் கூலியல்ல

- நீ நாட்டைச் சுமக்கப் பிறந்தவனே!'

- இந்தப் பாட்டு இடம்பெறாமல் போனதற்காக யார் மீதும் குறை சொல்ல முடியாது. திரைக்கதையின் நீளம் இதை அனுமதிக்கவில்லை. இப்படி மலர்ந்து மலர்ந்து எனக்கு உள்ளேயே உலர்ந்துபோன பூக்கள் ஓராயிரம்...''

''எந்த வகைப் பாட்டெழுதுகிற போது மனம் நிறைகிறது உங்களுக்கு?''

''காதல் பாடல் எழுதுகிறபோது கரைகிறது மனது. ஆனால், தன்னம் பிக்கைப் பாட்டு, தத்துவப்பாட்டு, எழுச்சிப்பாட்டு, புரட்சிப் பாட்டு, இளைஞர்களை எழுச்சி கொள்ளவைக்கும் சமுதாய மேம்பாட்டுப் பாட்டு எழுதுகிறபோது தான் மனது நிறைகிறது. 'மனிதா மனிதா..', 'எரிமலை எப்படிப் பொறுக்கும்?', 'புத்தம்புது பூமி வேண்டும்', 'ஒரு பண்பாடு இல்லையென்றால் பாரதம் இல்லை', 'எழுகவே படைகள் எழுகவே', 'வெற்றி நிச்சயம் இது வேத சத்தியம்', 'ஒருவன் ஒருவன் முதலாளி', 'தமிழா தமிழா', 'விடை கொடு எங்கள் நாடே', 'கனவு காணும் வாழ்க்கை யாவும் கலைந்து போகும் கோலங்கள்', 'மனிதன் மனிதன் எவன்தான் மனிதன்?' - இவைபோன்ற பாடல்கள் எழுதத்தான் நெஞ்சு துடிக்கிறது. ஆனால், மாறிவரும் திரையுலகப் போக்குகளில் இவைபோன்ற பாடல்களுக்குக் கதைச்சூழல் இல்லை. இவை போன்ற பாடல்கள் எந்தப் படத்தில் இடம்பெற்றாலும் அந்தப் பாடல்களுக்கு இனிமேல் பணம் வாங்காமல் எழுதிக் கொடுப்பது என்று தீர்மானித் திருக்கிறேன். விகடன் மூலம் இதைத் தெரிவிப்பதில் மகிழ்ச்சி அடைகிறேன். 'புரட்சிக்காரன்' பாடல்களுக்குப் பணம் வாங்காமல்தான் எழுதிக் கொடுத்தேன். அனுபவத்தால் தமிழும் மனசும் பண்பட்டிருப்பதாக உணர்கிறேன். இனிமேல் இன்னும் உயர்ந்த இன்னும் தெளிந்த பாடல்களும் இலக்கியங்களும் படைக்க விரும்புகிறேன்!''

சந்திப்பு: ரமேஷ் வைத்யா

இனி வரவிருக்கும் திரைப்படங்களிலிருந்து கவிஞருக்குப்பிடித்த சில வரிகள் இங்கே...

கமல் நடிக்கும் 'அன்பே சிவம்' படத்தில் ஓவியரான கமலும் அவரது தோழியும் சேர்ந்து ஒரு படம் வரைகிறார்கள். ஓவியத்தோடு சேர்ந்து நெருக்கமும் வளர்கிறது. இந்தச் சூழலுக்கான வரிகள்:

ஆண்: பூ வாசம் புறப்படும்

- கண்ணே பூ நான் வரைந்தால்

தீ வந்து விரல் சுடும் - பெண்ணே

தீ நான் வரைந்தால்

பெண்: உயிர் அல்லதெல்லாம்

உயிர் கொள்ளுமென்றால்

உயிர் உள்ள நானோ என்னாகுவேன்?

உன் பொன்விரல் என்னுடல் தீண்டுமா?

ஷாம் நடிக்கும் 'இயற்கை' படத்தில் இந்தப் பாட்டு:

'காதல் வந்தால் சொல்லியனுப்பு

உயிரோடிருந்தால் வருகிறேன்

கண்ணீர் வழிய உயிரும் வழியக்

கரையில் கரைந்து கிடக்கிறேன்

சுட்ட மண்ணிலே மீனாக

- மனம் வெட்ட வெளியிலே வாடுதடி

கண்ணீர் கலந்து கண்ணீர் கலந்து

கடல் நீர் மட்டம் கூடுதடி'

அஜீத் நடிக்கும் 'வில்லன்' படத்தில் ஊனத்தைக் கொச்சைப்படுத்தாமல் நம்பிக்கையூட்டுகிற ஒரு பாடல்: 'உள்ளம் உள்ளம் பெரிதாய் இருந்தால்

உலகம் ரொம்பச் சின்னதடா

ஊனப்பட்ட நிலவும் ஒருநாள் பௌர்ணமி ஆகுமடா!'

Tamil special

Thirukural

கற்றதனாலாய பயனென்கொல் வாலறிவன் நற்றாள் தொழாரெனின்.

No fruit have men of all their studied lore Save they the Purely Wise One's feet adore

Thirukkural of Thiruvalluvar

“இறைவன் மனிதனுக்குச் சொன்னது கீதை,மனிதன் இறைவனுக்குச் சொன்னது திருவாசகம்,மனிதன் மனிதனுக்குச் சொன்னது திருக்குறள்”

திருக்குறள் - மனித இனத்திற்கு கிடைத்த ஒரு அறிய செல்வம், நம்மில் எத்தனை பேர் அதை உணர்கிறோம்.

அகர முதல எழுத்தெல்லாம் ஆதி

பகவன் முதற்றே உலகு.

Am planning to give the meaning and translation in english, so that it wil be useful for non Tamils..
A, as its first of letters, every speech maintains;The “Primal Deity” is first through all the world’s domains.As all letters have the letter A for their first, so the world has the eternal God for its first.